අපේ මෙහෙවර

උතුරු මැද පළාතේ මාර්ග අංශයේ ජාතික කර්තව්‍යයක නියුතු ආයතනය ලෙස, ආරක්ෂාකාරී හා කාර්යක්ෂම ඒකාබද්ධ මාර්ගපද්ධතියක්, සමෘද්ධිමත් ප්‍රජාවක් ඇති කිරීම.

අපගේ දැක්ම

උතුරු මැද පළාතේ සී ශ්‍රේණියේ හා ඩී ශ්‍රේණියේ මාර්ග ජාලය ජනතාවගේ අපේක්ෂාවන්ට අනුව සංවර්ධනය සැළසුම් සම්පාදනය, ක්‍රියාත්මක කිරීම, නඩත්තුව ඇතුළු අධයයන සහ පර්යේෂණ කටයුතු සියළු පාර්ශවකරුවන්ගේ සහභාගිත්වයෙන් සහ විනිවිධභාවයකින් යුක්තව ඉටු කිරීම.

අපගේ වටිනාකම්

• අඛණ්ඩතාව: අපි අපගේ සියලු ක්‍රියාවන්හි විනිවිදභාවය සහ වගවීම තහවුරු කරමු.
• විශිෂ්ටත්වය: අපගේ ව්‍යාපෘති සහ සේවාවන්හි ඉහළම ප්‍රමිතීන් පවත්වාගැනීම සදහා සැමවිටම අපි උත්සාහ කරමු.
• සහයෝගීතාව: පොදු අරමුණු සාක්ෂාත් කර ගැනීම සඳහා පාර්ශවකරුවන් සමඟ එක්ව කටයුතු කිරීම අපි විශ්වාස කරමු.
• තිරසාරත්වය: පාරිසරික වගකීම් සහිත තිරසර භාවිතයන් සඳහා අපි කැපවී සිටිමු.

අපගේ සේවාවන්

• පළාතේ නව මාර්ග ඉදිකිරීම සහ නඩත්තු කිරීම.
• මාර්ග ජාල සැලසුම් කිරීම සහ සැලසුම් සමාලෝචනය කිරීම.
• රථවාහන කළමනාකරණය සහ ආරක්ෂක වැඩසටහන් ක්‍රියාතමක කිරීමට සහාය වීම.
• ප්‍රජා සහභාගීත්ව මුල පිරීම් සහතික කිරීම.

අධිකාරියේ ප්‍රධාන පරිපාලන නිලධාරියා සාමන්‍යාධිකාරීවරයා වේ.

උතුරු මැද පළාත් සභාවේ ඉඩම්, වාරිමාර්ග, මාර්ග සංවර්ධන, ග්‍රාම සංවර්ධන, නිවාස හා කාන්තා කටයුතු අමාත්‍යාංශය යටතේ ක්‍රියාත්මක වන මෙම අධිකාරිය, ප්‍රාදේශිය විධායක ඉංජිනේරු කාර්යාල 6 ක් සහිතව ස්ථාපිත වී ඇත. අධිකාරියේ කාර්ය සංග්‍රහය අනුව ප්‍රධාන වශයෙන් අංශ 4 ක් යටතේ පරිපාලන හා මෙහෙයුම්සා කටයුතු ක්‍රියාත්මක වේ. අපගේ කාර්යාලය ප්‍රධාන වශයෙන් පහත අංශය යටතේ සංවිධානය කර ඇත:

වැඩ අංශය: ඉංජිනේරු කටයුතු පිළිබඳ නියෝජ්‍ය සාමාන්‍යාධිකාරීවරයෙකු යටතේ ක්‍රියාත්මක වේ. මෙම අංශය තුළ ප්‍රධාන ඉංජිනේරුවරු ත්‍රිදනෙක් කටයුතු කරයි, පළාතේ පවතින විධායක ඉංජිනේරු කොට්ඨාස 6 හි කාර්ය සාධනය සඳහා කාළාප 3 කට වෙන් කර ඇති අතර එම කළාප සදහා ප්‍රධාන ඉංජිනේරුවරු ත්‍රිදෙනෙක් කටයුතු කරයි. ප්‍රධාන කාර්යාලයේ ඉංජිනේරු සැළසුම් නිර්මාණ හා තත්ව පාලන අංශය ප්‍රධාන ඉංජිනේරුවරයෙකු යටතේ ක්‍රියාත්මක වේ. ප්‍රාෙද්ශිය විධායක ඉංජිනේරු කාර්යාලයන්හි ප්‍රධානියා ලෙස විධායක ඉංජිනේරු කටයුතු කරයි. තවද මෙම අංශය යටතේ යාන්ත්‍රික ඉංජිනේරු අංශයක් හා රසායනාගාරයද ක්‍රියාත්මකයි

විගණන අංශය: අභ්‍යන්තර විගණකවරයෙකු යටතේ ක්‍රියාත්මක වේ. මෙම අංශය, අධිකාරියේ විගණන සම්බන්ධ කටයුතු ඉටු කරයි.

ආයතන හා පරිපාලන අංශය: පරිපාලන නිලධාරීවරයෙකු යටතේ ක්‍රියාත්මක වන මෙම අංශය, ආයතනයේ අදාළ නිලධාරීන්ගේ කළමනාකරණය සහ පරිපාලනය සම්බන්ධ කටයුතු කළමනාකරණය කරයි.

ගිණුම් අංශය: ගණකාධිකාරීවරයෙකු යටතේ ක්‍රියාත්මක වන මෙම අංශය, සියළුම ගිණුම් සහ මූල්‍ය සම්බන්ධ කටයුතු ක්‍රියාත්මක කරයි.