අභිනව සභාපතිතුමිය රාජකාරී භාරගැනීම
උතුරු මැද පළාත් මාර්ග සංවර්ධන අධිකාරියේ අභිනව සභාපති
උතුරු මැද පළාත් මාර්ග සංවර්ධන අධිකාරියට ප්‍රථම වරට කාන්තාවක් සභාපතිවරියක් ලෙස පත්කර ඇත. ජ්‍යෙෂ්ඨ හා කීර්තිමත් රාජ්‍ය නිලධාරිණියක වන ඉංජිනේරු කේ.සී. දීමතී ප්‍රනාන්දු මහත්මිය ගරු ආණ්ඩුකාරතුමන් විසින් මෙම තනතුරට පත් කර ඇති අත. දීමතී මහත්මිය උතුරු මැද පළාතේ නියෝජ්‍ය ප්‍රධාන ලේකම් (ඉංජිනේරු) ලෙස සේවය කර, නොබෝදා විශ්‍රාම ගෙන ඇත.
ඇය පුරා වසර 28 කාලයක් පළාත් ඉංජිනේරු දෙපාර්තමේන්තුවේ ඉංජිනේරුවරියක් ලෙස අඛන්ඩව සේවය කර ඇති අතර, අධ්‍යක්ෂ ධූරය දක්වා උසස්වීම් ලබා, පසුව නියෝජ්‍ය ප්‍රධාන ලේකම් (ඉංජිනේරු) ලෙස පත්වී ඇත.
2024 ඔක්තෝම්බර් 15 වන දින, දීමතී මහත්මිය සුභ මොහොතින් රාජකාරී භාරගන්නා ලදි. මෙම අවස්ථාවට අධිකාරියේ සාමාන්‍යාධිකාරී, නියෝජ්‍ය සාමාන්‍යාධිකාරී හා කාර්ය මණ්ඩලය සහභාගී වූ අතර, අධිකාරියේ අනාගත ප්‍රගතිය සඳහා එතුමියගේ කටයුතු සාර්ථකව ඉටු වීමට සියලු දෙනා විසින් සුභ පැතුම් එක් කළහ.
